Listen Live

grid post

Oga, Dr. Saraki Don Blow Whistle For Made In Nigeria Goods Competition.

news

Jan 02, 2017

 

The Oga Presido for senate, Dr Abubakar Bukola Saraki don launch one competition wei go helep our people promote made in Nigeria products.

The competition wei this oga don schedule for three months time, go help our people display the process wei raw materials dei take convert to locally made in Nigeria goods.

For the talk comot wei this oga by himself signed, Dr Saraki come talk say this compettition go help identify the kind goods wei investors go like to invest their money, so that productivity go increase for our Nigerian market.

Oga Dr. Saraki come talk say, these agencies or investors wei don dey fly like eagle round Nigeria, go like to invest for these products so-tay say because the products dem go begin challenge with the one wei dem  import for obodoyimbo.

This oga come add say, hoprfully by the next few weeks, our people go don dei deliver some example of the products and ideas wei go fit match with wetin investors and government agencies dei look for.

“For we to wrap up this competition, we go dei invite some of the people wei carry first for this challenge to come to our finalist competition for "Made in Nigeria" round table talk for senate for around March of 2017. 

“This Roundtable talk so, go allow us, legislators, Government Agencies, business owners, and all the everyday Nigerian consumers, make we put for review and update the report of the National Assembly Business Environment Roundtable (NASSBER), wei we first hold for 2016 to take improve the easy wat to do business for our country,” the Oga Dr. Saraki come talk.

Oga. Dr. Saraki come add talk am say, this roundtable talk for asenate so, go helep dem oga get feedback for the Public Procurement Act wei Senate pass for 2016.

That amended Act talk say make government agencies give attention to local manufacturers to helep dem get goods and services for the people.

Oga, Dr. Saraki, come wish all the participants for the challenge "good luck" and he come call on all the Nigerians to use the hashtag #MadeInNigeria take submit all their videos to enter this competition..


Source: EchoAfrik News, USA

COMMENT

Recommended News